في الشــــعر للي مخيـلته نظـــيف ومتنزه
ينفرد من اللي سواه بــــفكرته ولا كلامه
يستفزون الجبل غير الجبل وش يستفزه ؟!
يالثاميــم خليكم على عود الثمامة
الذليل الله يذله والعـــزيز الله يعزه
هب ياعـــــذب النسيم وحن يارعد الغمامة
والغلا لو ان ابره في الحشا ماهو يغزه
يمنعه جرح الحبيب لا نثر دمعة هيامه
يا ليونة غصن موز ويا طراوة ريـــــش وزة
إن رعت مع ظبــــي ولا رعت مع حــــمامة
مايفطر وصفك الصايم لو ان عينه تخزه
انت وصفك شي ايماني يكمل بـــــه صيامه
انت محبوبي انا ومعزبي في كل حزة
وانت راس المال ويحيــطك خفوقي باهتمامه
مادري ليه اقدر على وصلك ولكن اتنزه
هل اخاف من الهجر ولا اخاف من الندامة
مادري ليه اشعر بان الهجر من بعد المعزة
يرسم فذهني علامة من علامات القيامة
لا تهزه خل قلبي فــي مكـــــانه لاتهزه
سو ماتبغـــــي تسوي فيه لكن باحــــترامه
دامك مصمم على خنجر موادعك ابتكزه
في حنـايا قلب عاشق ماجهل غيرك مقامه
اثبت الطعنة على عرجن شرب حــبك ورزه
مايقول الا فمــــان الله خاوتـــك السلامة
كيف اكون انـسان يســــتاهل يعزك او تعــــزه
وانت تجرح كبريائي واتلاعب بالكرامه
يستفزون الجبل غير الجبل وش يستفزه ؟!
يالثاميــم خليكم على عود الثمامة
موضوع: شعر (فزاع) رأس المال 
الخميس يوليو 30, 2009 10:35 pm
